متي سينقرض الرجال؟ مقال جديد للدكتور الشيخ /محمد مصطفى ظاهر الجندي 01100241050

 عفوا

للاسف

ممكن تشوف ان تحكم المراه في البيت بقي امر طبيعي تحت مسمي التطور و الحداثه والمدنيه وغيرها 

لكن دي مصيبه كبيره وهي تحول الرجل الي ATM بيدفع بس لكن ملهوش اي دور في البيت وده مخالف حتي لتعاليم الغرب 🫣 فضلا عن الفطره الطبيعيه وطبعا مخالف لتعاليم الاسلام 

لو الاب ملهوش دور لم يخلق الله سيدنا ادم قبل امنا حواء بل من الاساس كان ربنا خلق حواء فقط وجعل البشر كلهم نساء فقط فقد خلق سبحانه ذلك في بعض الحيوانات مثل جراد البحر و تنين كومودو و السحالي و أسماك القرش المطرقة والزنابير الطفيلية فهو القادر سبحانه 

لكن للاب دور مهم جدا 

المراه عاطفيه بالاساس تغلب عندها العاطفه علي العقل في كثير من الامور فهي منبع العطف و الحنين 

اما الاب فيغلب عليه العقل و تقل عنده العاطفه فتجد منه الحزم و الشده الذي يؤثر في الابناء 

مثال بسيط ولد او بنت مش عايز يروح الدرس 

الام هتفضل تزعق و في الاخر الولد او البنت مش هتروح 

اما الاب 😂 فعدوك علي اللي هيعمله اولا يتصل بالمدرس يقوله كسر ابني انا جايبهولك دلوقتي و قلمين حلوين والواد مش بيعيط حتي 😄 و يروح الدرس يتروق و يرجع يلاقي الحزام ابو توكه حديد مستنيه 

اما في حاله غياب دور الاب فبيكون واضح في سلوك الابناء 

وده بنعاني منه كلنا الان غياب الاخلاق و تبجح بعض الابناء و تعديهم علي الوالدين 

فما تزرعه او تعود عليه اولادك انت اول من تجني ثماره ان خيرا فخير وان شرا فشر 

#نعم_لعوده_دور_الاب_في_تربية_الابناء

طيب انا شايفك ياللي عايز تقول ليه القسوه دي 

ان ماتدلعش في عز ابوه هيتدلع امتي 

انا عيالي لازم يتربو تربيه حديثه 

اقول انه طبعا كلنا ضد القسوه او التعنيف المفرط الصح هو لا افراط ولا تفريط 

يعني خير الامور الوسط 

مثال بسيط هيوضح المعني اكثر 

الذهب بيطلع من الطين و الكثير من الشوائب علشان كدا في دهب عيار 24 و 21 و 18 والذهب كله نوع واحد اما الاختلاف في عيارات الدهب ده السبب فيه هو نقاء الذهب فلما زاد نقاء الذهب كلما ارتفعت قيمته و بالطبع ارتفع ثمنه وتتم عمليه رفع نقاء الذهب بتعريضه للنار وكلما ارتفعت حراره النار كلما زاد نقاءه

وكذالك الواحد منا كلما زاد احتكاكه بالحياه كلما زاد الطلب عليه في الحياه عموما يساله الناس في امور حياتهم و يطلب في التوظيف الاكثر خبره