خلاصه الزواج المشاكل و الحلول من الواقع مع الشيخ الدكتور محمد مصطفى ظاهر الجندي

الاسره هي المكون الاساسي للدول فاي دوله مكونه من مدن و المدن مكونه من مناطق او قري و هي مكونه من اسر و طبعا الاسره المستقره هيكون الراجل مركز في شغله و المرأه مركزه في شغلها لو موظفه او لو ست بيت هتكون مركزه مع الاولاد و الاسره كلها هينتج عنها اولاد و بنات تفتخر بهم بلادهم و العكس لو البيت مفكك هتكون المفاسد كتير جدا علشان كدا هنتكلم عن الرابطه اللي بتربط الاسره اللي هي الزواج

الخلاصه انك كرجل تختار زوجه صالحه و ام صالحه اختار اللي عيوبها تنفع معاك و هتقدر تتقبلها

و كمرأه توافق علي الزوج المناسب و الاب المناسب لاولادها اللي عيوبه تنفع معاكي وهتقدري تتقبليها

الزواج الاساس فيه الاستمرار فلو حد بيتجوز لفتره معينه فده ذنب عظيم يخالف الهدف من الزواج و انه ميثاق غليظ سواء كان الراجل او المرأة خلي الموضوع ده في بالك و في بالك وانت بتختار و انتي بتختاري يعني الزواج مش زي ما البعض متخيل في الافلام في اوقات حلوه واوقات صعبه مفيش حد ايامه كلها حلوه بس 

لازم كل واحد يبقي عارف هو عايز ايه من الزواج عايز زوجته تشتغل او لا و بيت عيله او لا و الامور الماديه و هتتصرفو ازاي في وقت الخلاف و هيكون في خروجات ولا لا و القايمه هتعملو فيها ايه يعني ماينفعش تجيب صبار و تحطه علي شاطئ النيل او تجيب ارز و تزرعه في الصحراء و كذلك انواع البشر يعني ما ينفعش تكون هتخطب واحده موظفه و تقلها اقعدي في البيت حتي لو قالتلك حاضر لكن مع الوقت هتزهق لانها مش متعوده تقعد في البيت و هكذا 

 ما تاخدش خطوه الزواج الا لما تبني نفسك كويس جدا وده طبيعي انك مش هتتجوز واحده تبهدلها معاك لان الطلاق و الخلع بقي سهل جدا جدا و اكيد انت عارف هيحصلك ايه انا عارف اننا متعودين ان امهاتنا بيدبروا في البيت و بيمشو الدنيا في اوقات الازمات في فعلا بنات بتعمل كدا دلوقتي بس ماتخليش الفكره في اساسيه عندك

هتيجي للخطوبه ففي الغالب مش هيكمل قراءه الا اللي ناوي يتجوز صالونات فحد هيرشحلك عروسه او حتي لو كنت شفتها كزميلة دراسه او عمل فممكن ماتقدرش تسالها او تعرف طبعها او اهدافها او نسبه التوافق فممكن تخطب اكتر من مره و ده مش عيب ولا حرام انك تخطب و تلاقي سبب لفسخ الخطوبه فده طبيعي جدا لان هدفك هو الاستقرار بالزواج و الاستمرار فشكل و فشكلي خطوبه زي مانتي عايزه لكن لازم تكون و تكوني عارفين الاسباب و تكونو عارفين انتو بتعملو ايه بالظبط

ملاحظه لو جمعيه خيريه تتبني انها تعمل قاعده بيانات تجمع فيها بيانات عن عرايس و عرسان و طبعا هتكون بيانات بدون اسم يعني مثلا هتكون الجمعيه او المكان ده مسجل ان العروسه مش عايزه بيت عيله او انها موظفه او انها عايزه تسكن قريب من والدتها فلو العريس قال انه عايز يتقدم فالجمعيه تاخد بيانات العريس و تتصل بوالد العروسه تقوله ان في عريس مواصفاته كذا وكذا نديله رقمك و طبعا المعلومات دي هاتكون سريه و المكان هيكون مكان ليه احترامه علشان يكون الموضوع اسهل او اي فكره تانيه الهدف منها اننا نساعد او نقلل الاحراج اللي بيحصل بسبب ان عريس يلف كتير و علشان العروسه ماتزهقش ان عرسان بيتقدمو و مش بيردو قولي رايك في الموضوع ده لانه مهم

لما ربنا يوفقك و تحس انك بعد طول انتظار لاقيت الزوجه المناسبه حاول في فتره الخطوبه تفهمها اكتر تفهم طبعها تعرف نسبه التوافق بينكم لازم تكون نسبه كبيره علشان تقدرو تستحملو ازمات الحياه لان اول فتره في الزواج بتكون صعبه

لازم تتفق معاها و مع اهلها علي كل حاجه في اقرب فرصه و ماتسيش حاجه للصدفه و اتعامل بطبيعتك خليك طبيعي بلاش التجمل الزائف 

حاول تدخل الزواج بدون ديون و بلاش الحاجات اللي ملهاش لازمه واللي مش هتحتاجوها قريب خليك عملي

فمفيش مانع انك تأجل الانجاب سنه او اكتر عقبال لما تتعدوا علي بعض و تشموا نفسكم من مصاريف الزواج و ده الافضل

بالنسبه للمشاكل لو حصلت مشكلها حاول تخلصها في وقتها يعني مثلا لو حاجه زعلتك اتكلم فيها ووضح رايك و لو اتعصبت اتعصب و خلص و زعق لحد ما تحس انك خلصت و خلاص انسي كان مفيش حاجه حصلت ماينفعش كل شويه تزعق حتي لو حصلت مشاكل كتير اعمل نفسك مخدتش بالك بس ماينفعش تكتم في نفسك او في نفسك خلصوا المشاكل اول باول 

ابعد وابعدي عن خرابين البيوت في ناس عندهم حسد طبيعي لو شافو حد مبسوط بيتغاظوا منه فاهم 

اشهد الله ان الهدف من الكلام ده كله ان بيوتنا تكون مستقره و سعيده و صالحه

اسال الله العظيم ان يبارك في بيوتنا و يرزقنا الذرية الصالحه 

ارحب بكل الافكار او التعليقات 

لو عايز اقراء يخفف نسب الطلاق فالحل تقليل مده الحضانه و الطبيعي انه يتقسم بين الرجل و المرأه لكن لما المرأه تعرف ان الحضانه ابديه ليها فده يسهل لها الطلاق و كمان الاولاد مش بيكونوا عارفين ابوهم لانهم بيشوفوه ساعه او اقل كل اسبوعين ده لو حصل 

الأسرة نواة الدول؛ فدولة قوامها مدن وقرى، وأساسها أسر. الأسر المستقرة تعني رجالًا ونساءً متفرغين لأعمالهم أو بيوتهم، ما يثمر أبناءً يرفع بهم الوطن رأسه، بينما تفككها يولد فسادًا. لذا، جوهر الرابطة الأسرية هو الزواج.

خلاصة الأمر: أيها الرجل، اختر زوجةً وأمًا صالحةً تقبل عيوبها. وأيتها المرأة، وافقي على الزوج والأب المناسب الذي تتقبلين عيوبه.

الزواج أساسه الدوام؛ الزواج المؤقت ذنب عظيم يخالف مقصده وميثاقه الغليظ. تذكر وتذكري: الزواج ليس أيامًا حلوة فقط؛ فالحياة فيها الصعب والسهل.

تحديد الأولويات ضروري: عمل الزوجة من عدمه، السكن مع الأهل، الأمور المادية، حل الخلافات، الخروجات، وميزانية القائمة. لا تجلب صبارًا للنيل، ولا أرزًا للصحراء. لا تخطب موظفةً لتجعلها ربة منزل؛ فحتماً ستسأم.

لا تتزوج إلا بعد بناء نفسك؛ كي لا تُهلك شريكة حياتك. الطلاق والخلع صار سهلًا. نعم أمهاتنا دبرن الأمور، لكن لا تعتمد على ذلك كفكرة أساسية.

في الخطوبة: إن كنت من رواد الصالونات، لا تتردد في تكرار الخطبة. ليس عيبًا ولا حرامًا فسخها لأسباب تضمن استقرارك. أنتِ كذلك اختطبي ما شئتِ، فهدفكما الاستمرار.

ملحوظة: هل يمكن لجمعية خيرية أن تنشئ قاعدة بيانات سرية للعرائس والعرسان (مثل: العروس لا ترغب ببيت عيلة، أو موظفة، أو ترغب بالسكن قرب أهلها)، لترشيحهم وتسهيل الزواج وتقليل الإحراج؟ ما رأيكم بهذه الفكرة؟

عندما تجد شريكة حياتك، حاول فهمها أكثر خلال الخطوبة؛ فالتوافق العالي ضروري لمواجهة صعوبات الحياة. الفترة الأولى من الزواج غالبًا ما تكون صعبة.

اتفق معها ومع أهلها على كل شيء مبكرًا، ولا تترك شيئًا للصدفة. كن طبيعيًا وتجنب التجمل الزائف.

ادخل الزواج بلا ديون. تجنب الكماليات غير الضرورية.

تأجيل الإنجاب سنة أو أكثر أفضل لكم للتأقلم وتجاوز مصاريف الزواج.

في المشاكل: تعامل معها فورًا. تكلم وعبر عن رأيك، وحتى الغضب مقبول، ثم انسَ. لا تكتم مشاعرك، ولا تتجاهل كل مشكلة.

ابتعد عن مخربي البيوت والحاسدين.

هدفي من هذا الكلام استقرار بيوتنا وسعادتها.

أسأل الله أن يبارك في بيوتنا ويرزقنا الذرية الصالحة.